En ur vezañ dedennet mat gant an danvez sevenadurel Aziat hon eus bet tro da bellgargañ un toullad mad a dresadennoù-bev bet lakaet en galleg. Ar c'hoant a oa savet ennomp d'en ober ivez met en Brezhoneg ar wech-mañ.

Tu 'zo deoc'h pellkargañ danvez a-bep seurt dindan an doare direct download pe DDL:

->ar Releases gant skipailh Breiz Atao Fansub (pe sellet anezho e streaming)

-> Ar re  A.MV

-> ar re O.S.T

  

Evit aeshaat ar pellkargañ implijit Free Download Manager

  Setu ur radio 'vit gellout selaou sonerezh pa vezer war al lechienn:

 

Trugarez da chom hep laerañ al liammoù evit ho lec'hienn, goulenn a ra kalz amzer da lakaat an dafar war ar rouedad.

Merci de ne pas voler les liens pour votre site. L'upload est un long travail, respectez le.

Ar strollad

mouezh : Miyawaki Wataru
gitar : Sakai Hiroaki
gitar : Suga Yuusuke
gitar-boud : Enya Tomoyuki (ex.Tomo)
Bateri : Kawauchi Tohru

- Mini Album - 

Increasingly (15.06.2005)
Shin ~ deep ~ (01.12.2004)
Knight mare (03.11.2004)
Bell Salem (06.10.2004)
Increasingly (28.04.2004)

- Maxi Single -  
depression sign (15.06.2005)
Shudder (15.06.2005)
swallow (16.03.2005)
Sick (16.03.2005)
Ray (30.07.2004)
Suisou no naka no kanojo (03.05.2004)
Shudder (31.03.2004)
depression sign (28.07.2003)

- DVD -
macrograph (28.09.2005)
CREATED MOVIE 1kakuu toshi taihai byosha (27.07.2005)
~CROM ~ (20.04.2005)

- VHS -
Daiichi shimpanyaku (03.05.2004)

***Jrocknosekai setu ul liamm evit pellkargañ digoust, tammoù sonerezh pe tammoù film d'eus outo, e Spagnoleg eo al lec'hienn.
12012.jouyouheki setu ul liamm evit mont etrezek ul lec'hienn doare "fansite" d'eus ar strollad en Saozneg met dedennus gant ul loch pellkargañ ennañ.

Setu embannet ar c'hentañ manga en Brezhoneg! Plijus da lenn, dedennus an istor, setu ur prof dibar evit nedeleg. Tro nav euro an tamm.

Setu evit e kinnig ur c'hopiañ d'eus al lec'hienn: Toki.fr

		vol.1 - Rouanez ar forbanned Parution : 02 / 11 / 2006 E levrenn gentañ e reer anaoudegezh gant Xing Ling, ur plac’h yaouank dreist, a zo en he soñj diwall an dud diouzh al laeron. Dizoleiñ a raio n’eo ket he galloudoù diouzh ar re zo o tont eus “ An hent diaoulek”... Gant Wang Chan ha Xue Wu, anezho daou haroz eus « An Neñva » e vo sikouret. Bamet e vo gant galloudoù ar re-mañ n’eus nemet un dra war o soñj : bezañ trec’h war ar boudoù diaoulek a ya war baotaat spontus...

Studio Comet

Ar Studio Comet A vez ur skipailh Japanaat e karg gant ar broduerezh tresadennoù-bev doare manga e bro Japan. Krouet eo bet e 1986.

Da gentañ ne oa ket kalz labourioù kaset da-benn ganto. Ret eo bet gortoz ar bloavezhioù 90 evit gwelet ur c'hresk birvidik. Abaoe 2004 ez eo splann ez eo ar STUDIO COMET unan d'eus ar re pouezhusañ a-fed danvez tresadennoù-bev bro Japan ( 9 heulienn etre 2004-2005!). Dre vras ar studio a chom hep sevel e unan penn an heulienn a-bez. 

Ar studio Comet en d'eus produet an tresadennoù-bev se (klikit [Amañ] evit gwelet ul listenn a-bez d'eus o labour):

• Saint October (TV, 2007)
• Eyeshield 21 (TV, 2005)
• Onegai my melody (TV, 2005)
• Peach girl (TV, 2005)
• Suzuka (TV; 2005)
• School rumble (TV) ( 2004-2005)
• Mai-HiME (TV) ( 2004-2005)
• The marshmallow times (TV, 2004-2005)
• Shura no toki (TV, 2004)
• Burn-up scramble (TV, 2004)
• Steel angel Kurumi (TV, 1999-2000)
• Mizuiro jidai (TV, 1996-1997)
• Captain Tsubasa J (TV, 1994-1995)
• Black Jack (OAV, 1993)
• Maruboshi Mabo-chan (TV, 1992)
• Dragon warrior (TV, 1989-1991)
• Tsuideni tonchinkan (TV, 1987-1988)
• Highschool! kimengumi (TV, 1985-1987)
• Astro boy: shinsen-gumi (Film)

Setu o lec'hienn : STUDIO COMET

Studio Sunrise

Krouet e 1972, Sunrise Inc. a zo un embregerezh Japanaat o labourat  war danvez an tresadennoù-bev doare manga. Abaoe 1994 ez eo un tamm d'eus an embregerezh Bandai, ar brashañ embregerezh o produiñ c'hoarioù d'eus bro Japan. Da gentañ holl oa anvet ar studio Nippon Sunrise, hag araok c'hoazh oa graet Sunrise Studios d'eus outi.

Produet o d'eus (vit kaout ul listenn a-bez d'eus o labour, klikit [Amañ]:

Er bloavezhioù 1970:

• Brave Raideen (勇者ライディーン; Yuusha Raidiin) (produet gant sikour Tohoku Shinsha)
• Cyborg 009 (produet gant sikour Toei Animation)
• Mobile Suit Gundam (機動戦士ガンダム; Kidō Senshi Gandamu)
• The Ultraman (co-production avec Tsuburaya Productions)

Er bloavezhioù 1980:

• Blue Comet SPT Layzner
• Dirty Pair
• Yoroiden Samurai Troopers (鎧伝サムライトールパー) (Ronin Warriors)

Er bloavezhioù 1990:

• (The)Big O
• Brain Powerd (pe "Brain Powered")
• City Hunter (pe Nicky Larson)
• Cowboy Bebop (Co-production avec Tokyo Movie Shinsha)
• Crest of the Stars (星界の紋章; Seikai no Monshō)
• Future GPX Cyber Formula (新世紀ＧＰＸサイバーフォーミュラ; Shin Seiki GPX Saibaa Fohmyura)
• Gasaraki
• Infinite Ryvius (無限のリヴァイアス; Mugen no Ryvius)
• Outlaw Star
• The Vision of Escaflowne (天空のエスカフローネ; Tenkuu no Esukaforohne)
•  

Er bloavezhioù 2000:

• Argentosoma (pe "Argento Soma, and "Argent Soma")
• Bakumatsu kikansetsu irohanihoheto
• Code Geass hangyaku no Lelouch
• InuYasha (犬夜叉)
• Mai-HiME (舞-HiME)
• Mai-Otome (舞-乙HiME)
• Overman King Gainer
• Planetes
• Scryed
• Witch Hunter Robin
• Yakitate!! Japan (焼きたて!! ジャぱん)

Lec'hienn ar STUDIO SUNRISE

Saburo Sakai


poltred: Saburo Sakai gant e sabrenn, ar blenier kirri-nij samourai.
 

Saburo Sakai (1916-2000) a oa ur blenier kirri-nij Japanaat pad an eil brezel-bed. Laret vez d'eus outañ oa un As rak tizet n'eus muioc'h 'vit 5 karr-nij brezel enebour. Saburo Sakai a zo ganet e bro Japan, e Saga d'ar 25 a viz eost 1916. E familh a zo anavezet evit bezañ diskennad d'eus ur remziad Samourai, met a veve d'eus labour an douar. Da geñver ar studioù ar paotr Saburo n'eo ket gwall entanet. 

D'an 31 a viz mae 1933, oadet a 16 bloaz, Sakai a ya da vartolod brezel. Da gentañ vezo implijet vel kanoler war ar vag Kirishima betek 1936, bloavezh lec'h ma vezo degemeret en ur skol 'vit bezañ blenier karr-nij. Daou wech en d'eus c'hwitet an arnodenn 'vit bezañ degemeret met tapout a ra memestra e diplom e 1937, hini ar blenerien kirri-nij war vourz un douger kirri-nij. kentañ ez eo d'eus e c'hlasad. Kregiñ a raio mare ar brezel-nij evitañ pad ar brezel chino-japanaat etre 1928-1939, eno vezo gloazet. Goude kement-mañ choaz a ra da nijal war ar c'harr-nij mil anavezet an hini Mitsubishi A6M "zero" ha kenderc'hel a ra gant ar brezel enep China. 

Adal penn-kentañ ar brezel ez eo kroget etre Sakai hag an ofisourien ur brezelig dreist-holl a-fed gouzout petra vez tu d'ar blenerien kirri-nij, soudarded simpl anezho d'ober pe get. Sakai a ro an tu d'e genseurted da vutuniñ pezh a zo difennet rik, reiñ a ra urzh d'unan anezho da laerañ boued an ofisourien ...
E-kerzh ar c'hentañ emgann a-enep ar Chinaiz, Sakai a dizh ur c'harr-nij enebour met dre ma z'eo bet a-enep anholl urzhioù ez eo lañgachet gant e ofiser e plas bezañ anavezet e drec'h. 

  Goude ma vize kroget ar brezel a-enep ar Stadoù-Unanet, kemer a ra perzh e tagadenn ar Filipina.E 1942 ez eo kaset e Tarakan, e Borneo, kemer a ra perzh en emgannioù an Indez Izelvroat. Dont a ra a-benn da dizhout 13 karr-nij enebour araok ma vize klañv. Goude tri miz ez eo adarre war an tachennoù emgann, e strollad-nij an is-letanant Junishi Sasai er Ginea-nevez.

D'ar 7 a viz eost 1942 ez eo gloazet e-kerzh un emgann a-us da Guadalcanal, koll a ra eno e lagad dehou. Dont a ra a-benn memestra da zistreiñ gant e garr-nij goude ma vize bet kontet evel marvet.Chom a ra stanket en ospital 'vit 5 miz, ret vo dezhañ bezañ operataet pad hir amzer hep louzoù.

Tremen a raio ur bloavezh da gelenner vit ar skolidi brezel war ar c'hirri-nij . E miz ebrel 1944 ez eo kaset e strollad-nij Yokosuka hag a zo bet lakaet war tachenn emgann Iwo Jima. Ne c'hell ket nnijal pad pell met tizout a ra memestra pevar enebour.

E-kerzh an eil brezel-bed, ar blenier kirri-nij Saburo Sakai en d'eus distujet 64 karr-nij enebour, an darn vrashañ anezho o vezañ Amerikan. Anavezet ez eo ivez evit bezañ unan d'eus an tri blenier nemetañ d'eus e strollad-nij orin da vezañ chomet bev betek fin ar brezel

Goude ar brezel, Saburo Sakai en d'eus kuitaet an arme gant an titl a letanant. Bet eo bet penn-bras un embregerezh moulañ. Bet eo bet ivez da weladenniñ ar Stadoù-unanet lec'h ma n'eus kavet an tu da gejañ gant e enebourien gozh.

Saburo Sakai a zo marvet d'eus un taol-kalon d'an 22 viz here 2000 e-pad un emvod d'an aerborz-vor Atsugi.

Musashi Miyamoto

Musashi Miyamoto pe Takezō Shimmen d'eus e anv gwirion (Miyamoto o vezañ anv ar geriadenn lec'h ma z'eo ganet. Musashi un dore da lenn ar re idegrammoù)

Ganet e 1584, marvet an 19 a viz mae 1645.

Bez eo unan d'eus ar re Japanaat anavezetañ er bed, bez eo ivez klezeour brudetañ bro Japan.

a) Buhez

Kroget en d'eus Miyamoto Musashi gant an emganioù daouder d'an oad a 13 vloaz. Ar wech kentañ e vo dezhañ da lazhañ unan bennak (a-enep Arima Kihei e 1596). Oadet a 17 vloaz kemer a ra perzh e emgann Sekigahara (1600). An emgann a velo an trec'h o vont gant lu Ieyasu Tokugawa goude marv Hideyoshi Toyotomi. Musashi a oa e lu Toyotomi, chom a ra 'vel marvet war an tachenn emgann.Betek ma vije oadet a 29 bloaz e gemero perzh e 60 emgann daouder, an niver brashañ anezho en ur vezañ armet gant ur Bokken ( ur sabrenn e koad, implijet gant ar re Samourai evit gourdoniñ). Ar met ez eo neuze gant ur Bokken a-enep sabrennoù gwirion (Katana).

An emgann daouder diwezhañ a vezo kaset da benn gant Musashi (an hini brudetañ) a vezo d'an 13 a viz ebrel 1612, a-enep brashañ sabrenner bro Japan Kojirō Sasaki. Ur wech c'hoaz e vezo trec'h war e enbour. Implijout a raio ur Bokken vras, hervez a vize bet kizellet 'barzh roeñv ar vag en doa servijet da zegas an daou sabrenner war enezenn Funa., Goude-se e paouez gant an emganioù daouder ha kemer a ra ur garg nevez hini penn-bras ur rann d'eus lu an Aotrou Ogasawara. Kemer a raio perzh e sez kastell Hara e 1638, 'pad emsavadeg ar Gristenien kaset gant Shirō Amakusa.Oadet a 59 bloaz (1643) setu Musashi loc'het trezek menez Iwato, lec'hiet e-kichen Kumamoto. Eno e vev en ur vougev, hini Regandô. Kaset en d'eus gantañ un daol-skrivañ, d'an 10 d'eus an dekvet miz ez eo krog da skrivañ al levr Gorin no sho.

b) herez

Krouet en d'eus ivez ur skol emgannata ('vit deskiñ implij ur sabrenn) pe "ryū" a vezo anvet skol an daou sabrennoù (Niken ryū), ha goude-se skol an daou oabl (Niten ryū). Pezh a zo dibarr ez eo an doare emgannañ, an doare gant daou sabrenn war ar memes tro. Alas ne voe ket gwelet mat gant an Impalaer, e doare amgannaña vezo kollet 'vit an darn vrashañ anezhi.

Hiziv an deiz ez eus c'hoaz d'eus e skol, an deskiñ a zo kaset da benn gant ul lignez a vistri hag a zo diskennidi deskibien Musashi. Ar skol-se a zo an Hyōhō Niten Ichi-ryū ( "Skol an daou oabl").

Kavet e vez ivez skolioù all gant al lostger Niten Ichiryu met en un doare ofisiel ne vez liamm ebet etrezo hag herez gant ar skol Hyoho Niten Ichiryu.

Musashi a zo anavezet ivez evit bezañ skrivagner ul levr strategiez ar Gorin no shō pe levr ar pemp rodoù skrivet pa oa oadet a 60 vloaz. E fin e vuhez e chomas sioulig 'barzh e vougev, sevel a ra ur pell-sell d'eus e vuhez. Adal kement-se e sav "lezennoù"a c'hell bezañ implijet kement 'vit an emgann daouder pe 'vit an emgann niverusoc'h, pe 'vit ar vuhez pemdeziek. Ar pemp "rodoù"a zo ur skeudenn d'eus ar pemp estaj a ya d'ober ar savadurioù marvel Boudeek (gorintō), ar re-se o vezañ ur skeudenn d'eus ar pemp elfenn diazez Japanaat. Neuze 5 tamm a ya d'ober al levr :

- An dour: Nerzhiañ e gorf hag e spered

- An tan: Kadoniezh ( strategiezh brezel) evit an emgannioù daouder hag an emgannioù niverusoc'h.

- An avel: burutelladur ar skolioù emgannata all

- Ar goullo: Sevel ur soñj d'eus mennad ar re Samourai. Ar goulloder a zo ur pal da dizout 'vit ar re Samourai, un tem pouezus eo 'vit ar budō.

Al levr a zo bet implijet 'vit an doare da gas an aferioù e bro Japan. Implijet 'vez dreist-holl 9 frazenn d'eus outañ:

1. Stourm a-enep ar soñjoù hudur.

2. Krouiñ ha nerzhiañ e hent/spered dezhañ e-unan en ur labourat e unan penn.

3. Labourat war an holl arzoù, chom hep bezañ stañket war unan nemetken.

4. Deskiñ ha mestroniañ hent/spered an holl micherioù ha chom hep bezañ bac'het war unan nemetken.

5. Gouzout gwelet ar mad hag ar fall a c'hell bezañ degaset gant kement tra.

6. Forzh pese mare pe stad a vije, deskiñ implijout e varn dre santout.

7. Gouzout dre anien da welet kement tra, memes ma vez kuzhet deomp.

8. Diwal mat, d'ar munudoù.

9. Chom hep koll amzer 'vit traou didalvoud.

Jules Brunet

Ganet e 1838 e Belfort ( bro c'hall), marvet an 12 a viz eost 1911.

Jules Brunet a zo bet ezel d'eus al lu gall. Kaset ez eo bet evel gourdoner e bro Japan. E gefridi a oa neuze da zeskiñ d'ar soudarded Japanaat penaos implij ar c'hanolioù. Kement-mañ a-benn modernaat lu ar Shogun Yoshinobu Tokugawa e fin an 19vet kantved e-kerzh adsavadeg Meiji.

Soudarded gall (gourdonerien brezel anezho) ha soudarded Japaniz (Samourai anezho) en 19vet kantved.

Goude ma vije bet trec'het ar Shogun, setu ar soudard gall o kuitaat diaotre al lu evit kemer perzh en emsavadeg enep ar gouarnamant impalaeriel. Jules Brunet a zo un dudenn istorel gwirion en deus roet mennozh ar film Amerikan " Ar samourai diwezhañ" (film gant Edward Zwick, 2003).

Barzh ar film mil anavezet, Tom Cruise a zo ur gourdoner Amerikan o reiñ e teskadur d'al lu implaeriel a-benn flastrañ ar re Samourai chomet feal d'ar Shogun. "Ar samourai diwezhañ" a zo bet un den gwirion met gall e oa eñ. 

Vel Nathan Algren, aroz ar film gant Edward Zwick, Brunet a zo kabiten anezhañ, implijet a-benn modernaat al lu Japanaat e fin an 19vet kantved e-kerzh adsavidigezh Meiji (1868). Vel Algren, Brunet a stourmo a-enep lu an Impalaer 'pad ar brezel diabarz. Ur wech c'hoazh ar film a chom gwirion a-walc'h rak Brunet na varvo ket e-pad ar mare drastus-se ha dreist-holl goude marv an holl d'eus e "skolidi" Samourai anezho.

Pezh a vank alas er film (memestra) ez eo an taol kleze en dour kaset da benn gant Brunet 'vit krouiñ ur "republik" dieub e Hakodate, war enezenn Hokkaido. Al lec'h-mañ a vezo an hini diwezhañ o stroum a-enep an Impalaer, ar re leal d'ar shogun Yoshinobu Tokugawa a vezo flastret en un doare kriz.

Dianav pe dost e bro c'hall, Brunet a zo bet un dudenn dreistordinal: soudard, graet politeknik gantañ met arzour a zoare war ar memestro (livour). 

Araok bezañ kaset e bro Japan, kemeret en doa perzh e brezel Meksik gant soudarded Maksimilian. Anvet da gabiten e 1867, pa ne oa ket 30 vloaz anezhañ c'hoazh, choazet eo da gelenner 'vit soudarded lu bro Japan. Gant urzh ar Shogun, savet z'eus bet 7 rejimant a-fed troadegiezh, ur strollad marc'hegerien brezel ha 4 strollad kanolerien, en holl 10.000 a dud. Ar Saozon hag an Amerikaned a roio harp d'ar re enep gall en ur gelenn lu an Impalaer Meiji.

Pa vezo trec'het ar Shogun Tokugawa ha pa rento ar galloud d'an Impalaer fin 1867, kefridi ar c'hallaoued a vezo kaset da get. En un doare ofisiel, bro c'hall na gemer ket perzh ebet ken er brezel diabarzh. Lod d'eus ar strollad kelennerien brezel anezho a choaz da chom gant o skolidi, evit reiñ harp da lu ar "bakugun", ar re Samourai diwezhañ o vezañ leal d'ar Shogun

Talvezout a ra ez int dizertourien d'eus al lu gall, Brunet a skriv neuze d'an Impaler gall Napoléon III evit displegañ e choaz: " Choazet da vervel pe da genderc'hel da reiñ harp d'an interestoù gall er vro-mañ". Ur gorventenn a drec'ho vit ul lodenn vras anezho, ar re leal d'an ez-shogun e fin 1868. Kaset ez eo d'ar strad bigi al lu.

Brunet a dec'h e Hakodate, war enezenn Ezo, gant amiral ar vorlu brezel Takeaki Enomoto hag un nebeut gallaoued. Eno, Enomoto a zo anvet da brezidant republik dieub Ezo. Na bado nemet 6 miz ar republik.

Nerzh enebiñ ar re Samourai d'an Impalaer a vez o vont da get gant ar bloavezh 1869. Troadegiezh an Impalaer a zilestr e Hakodate. Bombezennet adal ar mor hag an douar, riset eo enebourien an urzh nevez. Kuzhet en ul lec'h-kreñv doare Vauban, an 800 Samourai diwezhañ a vez rediet da baouez an emgann d'an 30 a viz even.

Brunet n'eo ket chomet da c'hortoz trec'h lu an Impalaer, tec'het eo gant ur vag gall. Ar gouarnamant nevez a c'houlenn e vije bac'het, met goude un toullad taolioù-dreist setu Brunet distro e bro c'hall. Barnet kondaonet ez eo evel dizertour met en un doare sioul. Kuitaat a ra al lu gall e fin 1869.

Kemer a raio perzh en-dro e brezel 1870, prizoniet e vezo gant ar Brusianed e Metz. Kemer a ra perzh e emgann ar C'humun. Kuitaat a ra al lu Gall evit ar wech diwezhañ gant al live a jeneral.

" Ar Japaniz a anavez Brunet, gouzout a reont ez eus bet un nebeut gallaoued e Hakodate, ez eus bet roet gant ar frañs e harp d'ar Shogun diwezhañ", a lar Kristian Polak ur gall o chom e bro Japan.


Skipailh ofiserien gall, gant brunet, prest da loc'hañ 'vit bro Japan.

Ne oant ket ofiserien enoret betek re, ne oant ket Shogun kenebeut. Ar re Samourai a zo bet kadourien enoret evit bezañ kalonek, leal hag a-wechoù dre o zonkadur skrijus. Tres an arozed engounel Japanaat a vez warno gant perzhioù mat nemetken hag a vez roet vel skouer da dizout gant an holl.

An diforc'h bras a vez etrezo hag an Arozed d'eus ar c'hornôg a vez war penaos e echu o buhez. Ar gadourien Samourai o d'eus echuet o buhez evit an darn vrashañ anezho war un emgann kollet pe un ampoent reuzus. Met dirak kement-mañ o zoare kalonek da vont e-tal o zonkadur a vez bamus evit ar bobl Japanaat. Mojenn ar re Samourai a vez dedennusoc'h dezho 'vit istor an ofisourien trec'h d'o holl enebourien.

Arabat chom sac'het gant ur skeudenn a gadourien nemetken pa vez kaoz d'eus ar re Samourai. Pa vez mare ar peoc'h, chom a reont stag d'eus un doare bevañ o vont etrezek ar peurvad, hep klask mont war hent ur vuhez hiniennel e koust an dud all. Setu penaos ez int deuet da vezañ skeudenn arouezius bro Japan o klask bezañ ar bobl gwellañ e touez ar re all.

An holl re a vezo diskrivet war lec'h a vez bamet hiziv an deiz c'hoazh gant pobl bro Japan. O anavezout a sikouro da gompren gwelloc'h ('vit un nebeut) tro-spered ar Japaniz.

MINAMOTO NO YOSHITUNE ( 1159-1189 ):
Tonkad ar jeneral yaouank-se hini al lu Minamoto a zo bet skrijus tre. Ganet e 1159, ar paotr yaounk-se a vez hanter-breur Minamoto no Yoritomo hag a zeuio da vezañ kentañ Shogun istor Japan. Da gentañ holl ez eo desavet gant menec'h-soudarded ( ar re Yamabushis ) dindan an anv Ushikawa. Merzet ez eo diouzhtu evit bezañ ur c'hadour a zoare.

Goude-se ez eo anvet da servij e hanter-breur vel jeneral al lu Minamoto. Dont a ra brav gantañ trec'h ez eo meur a wech war Klan ar re Taïra. An taolioù bravañ a zeuio gantañ a vvo pad emgannioù Ichi no Tani ( 1185 ) ha dreist-holl hini Dan no Ura ( 1185 ).

Sked ar jeneral yaouank a vez war an holl soudarded, 'pezh a chal e hanter-vreur Yoritomo. Hemañ ur wech Shogun, a wel barzh ar jeneral ur riskl d'e skad dezhañ e-unan hag a choaz d'e vuntrañ dre neb doare. Argaset gant soudarded ar Shogun ha trubardet gant e holl gamaladed rediet ez eo ar jeneral yaouank d'ar Seppuku en ur vezañ sikouret gant e genvreur ar manac'h Benkei.

Tonkadur skrijus Minamoto No Yoshitune a zo deut buan tre da vezañ mil anavezet e bro Japan. Savet z'eus bet kontadennoù, pezhioù-c'hoari, istorioù, adal e buhez.

Miyamoto Musashi

AR 47 RONINED ( 1701-1703 ) :
Anavezet dindan an Akô Gishi, an istor gwirion-se a vez unan d'eus ar re brudetaén d'eus bro Japan.E 1701, an Aotrou Asano Takumi no Kami a vez kunujenet gant penn-bras lidoù ar Shogun, Kira Kosukeno-Suke. Gloaz a ra anezhañ gant un taol sabrenn 'pezh a lak anezhañ maezh lezenn da geñver ar fed ez eo difennet groñs da implij armoù 'barzh palez ar Shogu. Kondaonet ez eo raktal d'ober Seppuku.

E servijourien a nac'h d'ober ar Junshi hengounel ( heuliañ ar mestr war hent ar marv ). Dont a reont da vezañ neuze Ronined ( ar re samourai hep mestr ). Kunujenet pe goapaet e vezont 'vel tud digalonek, trubarded d'o vestr. A-benn ar fin ez int disoñjet penn-da-benn.

Daou vloaz warlec'h e tagont ti penn-bras lidoù ar Shogun, Kira Kosukeno-Suke, ha dont a reont a-benn d'e lazhañ. Ar 47 Ronined, memes ma z'eo bamet an holl betek ar Shogun evit o lealded d'o vestr a vez kondaonet d'ober Seppuku. En doare-se e vez heuliet ganto o vestr war hent ar marv. An tamm brudet-se d'eus istor bro Japan a zo bet aouenn evit filmoù, pezhioù-c'hoari, romantoù,...

SAIGO TAKAMORI ( 1827-1877 ) :
Un den kalonek, leal ha kreñv, Saigo Takamori a vez lakaet boaz evit bezañ bet ar Samourai diwezhañ (gant Jules Brunet e vez aouenn ar film Amerikan). Bevet en d'eus fin ar renkad a re Samourai ha klasket en d'eus gant e holl nerz d'e zifenn.

Ganet eo e 1827 e Satsuma, desavet ez eo 'vel soudard. Mont a raio war lec'h da servij e Aotrou e Edo e 1854. Pad e 23 bloavezh Samourai e vezo stourmet gantañ a-enep renad ar Shogun Tokugawa a oa e plas, harp a ra an impalaer. Rediet e vezo buan da dec'hout e Satsuma rak bet eo bet betek re un enebour d'ar Shogun a dreist-holl d'e vinistr , Li Naosuke. Kregiñ a ra neuze Saigo Takamori da emsevel a-enep mab e Aotrou marvet, adal enezenn Tokunoshima e 1860.

Eizh bloaz war lec'h e vezo mil anavezet pa gendalc'ho da reiñ harp d'an Impalaer, ha dreist holl pa vezo trec'het lu ar Shogun gantañ e Toba ha goude-se e Fushimi. Dont a ra neuze da vezañ penn rener lu an Impalaer. Ur wech e vez rediet da dec'hout war enezenn Satsuma goude bezañ bet savet kudennoù dezhañ gant lez an Impalaer. Eno e vezo kemeret perzh gantañ en e stourm diwezhañ e 1877: ar stourm a-enep fin ar renad Samourai. Goude mizioù a stourm drastus met kalonek e vez trec'het, kement-mañ a lak anezhañ d'ober seppuku. An impalaer Meji a lako anezhañ 'vel tudenn a vad evit bro Japan e 1891.

TOMOE GOZEN :
An dudenn mañ a zo dibarr a-fed kadourien (Bushi) 'barzh istor ha sevenadur bro Japan rak ne vez ket ur paotr anezhañ met ur plac'h. Dimezet gant Minamoto no Yoshinaka, ne chome ket Tomoe er ger da c'hortoz e gwaz. Pell alese,heuliañ a rae e gwaz war an tachennoù emgann met kemer a rae perzh ivez. Gant un Naginata ( Doare "falc'h" Japanaat) e vez hi war tachenn an emgann. O kaout nerzh yac'h ha kalon e vez anzavet gant an holl gadourien ( Bushi) kamaladed pe enebourien.

E gwaz, Minamoto no Yoshinaka, breur Yoritomo ha Yoshitune a oa ur jeneral lemm. Dre ma oa lemm betek re hervez e vreudeur e vezo muntret ganto. Tomoe Gozen a baouez goude-se gant emgannañ hag a ya da leanez Bouddhist. Krog e oa ar vojenn da emledañ ha lakaet e vezo e buhez da bezhioù-c'hoari Nô. Tomoe Gozen a vez adkaet aliese kerz gouel Jidaï Matsuri e Kyôto d'an 22 a viz here.

TAIRA NO MASAKADO ( ?-940 ) :
Bet eo bet anavezet, Taïra no Masakado pad pemp bloaz. Da zigentañ e oa eñ diskennad da Taira no Kiyomori. Da heuil e oa krog e vojenn pa vuntras e niz, Kunika, e 935 evit gounez e zamm douar. Ur wech graet an taol setu Taura no Masakado o vezañ mestr war kompezenn Kantô ( Tokyo a hiziv ).

Buan a walc'h e ziskler ez eo an douaroù se dieub d'eus galloud Kyôto, ha setu eñ o vont da emziskleriañ Impalaer e 940. Dirak kement-mañ ar galloud Impalaeriel a gas ul lu evit flastrañ ar buanañ ar gwellañ an emsavadeg. Ur soudard (Bushi), Taira no Sadamori, o vezañ servijer an Aotrou Fujiwara no Hidesato, a vuntr Taira no Masakado.

Mojenn ar gadour Taira No Masakado a vez Daou elfenn dezhie unan. Da gentañ ez eo ar wech kentañ ma vez kaoz d'eus un emsavadeg a berz ar Bushi a-enep an noblañs a vez en arvar. Bez eo ivez arouezius d'eus ul luskad a-enep galloud kreizennet an Impalaer e Kyôto. Gant ar sell-se ez eo istor Taïra no Masakado un doare rakwell d'eus an dazont a-fed istor bro Japan.

BYAKKO-TAI ( Septembre 1868 ) :
N'eo ket d'eus istorioù anavezetañ bro Japan met talvezout a ra memestra d'e gontañ. Brezel Boshin, a vezo etre harperien ar Sogun a-enep harperien an Impalaer. Setu amañ unan d'eus istorioù diwezhañ ar re Samourai araok ma vijent dic'hastet. Ma z'eo anavezet an istor gwirion-se ez eo rak ar vugale penntudennoù anezhi a zo chomet leal d'ar Shogun betek ar fin. 'Pezh a ro a berzh pobl bro japan ur bam ispisial dezho.

E 1868, e fin brezel ar Boshin, an holl proviñsioù Japanaat a oa bet kollet gant ar Shogun e tal al lu Impalaeriel ( Kangun). Ar soudarded diwezhañ o vezañ leal d'ar Shogun a oa aet e kastell Aizu-Wakamatsu. Eno e voe krouet 4 strollad soudarded : Leon Gwenn ( Byakko-Tai ), Aerouant Gwer ( Seiryu-Tai ), Golvan Ruz ( Suzaku-Tai) ha Baot Du ( Gembu-Tai), an anvioù a vez aouenet gant 4 avel an astrologiezh Chinaat.

Strollad al Leon Gwenn ( Byakko-Tai ) a oa bet krouet adal tri strollad bihanoc'h, mibien soudarded oadet etre 15 ha 17 vloaz o vont d'ober anezho. Ar re-se a oa bet roet dezho un desavadur soudardel Gall, 'vel lu a bez ar Shogun. Aet da guzhañ war menez Iimori, Krediñ a refont gweled moged o sevel adal kastell Aizu, 'pezh a dalveze e oa bet kemeret. An 20 soudard yaouank diwezhañ a choazas d'ober Seppuku e plas bezañ prizoniet gant o enebourien. Al lealded o devoa bet d'ar Shogun betek ar fin a chomas sanket don e spered ar vro Impalaeriel nevez.

Setu amañ ur poltred dispar!